Somos superfans de Oli

Rotundo éxito da visita de Oli á biblioteca do colexio. Ante un público entregado, Oli despregou as súas dotes de contacontos e ofreceunos un repertorio que nos achegou ao mundo dos piratas e a dos nenos que non queren comer. Ao rematar ante os berros de: ¡outra, outra!..., obsequiounos cunha primicia: o conto do pitiño Arturo, aínda sen editar.
Finalizada a sesión, coma calquera superestrela do mundo do espectáculo, escoitou aplausos, asinou autógrafos e recibiu agasallos. Foi unha actuación inesquecible.