Chegaron as vacacións!

Hoxe celebramos no cole a festa fin de curso!  

A partir das 10 da mañá participamos todos e todas no xogo da busca do tesouro. Repartímonos en 11 grupos, todos mesturados, de xeito que en cada grupo había nenos e nenas de todos os cursos de educación primaria. Cada grupo tiña o nome dun conto. 

Cada mestre/a organizouse nun recuncho do cole e propuxo un xogo cooperativo, polo que tiñan que ir pasando un detrás doutro todos os grupos. Cando concluían o xogo o mestre/a entregáballes unha peza dun puzzle.

 Unha vez que pasaron por todos os xogos, os grupos conseguían completar o puzzle. Nel indicábaselles o nome dun mestre/a, ao que debían buscar e pedirlle a pista para atopar o tesouro. A partires desa pista os nenos/as tiñan que atopar o tesouro que o mestre/a agochara previamente nalgures.

Os xogos cooperativos que fixemos, e dos que podemos ver as imaxes a seguir, foron: 

- Pelotón de transporte

- Cadeiras cooperativas

- Contos son

- O enredo

- O monstro

- Asentos musicais

- A bolsa máxica

- Camiño a cegas

- Pelota en cadena

- A salvo na illa

- Cadena humana

 
 

Ao rematar os xogos, compartimos unha abundante merendola para repoñer forzas.

Despois só quedou a despedida, dos amigos/as e dos profes... pero, agora toca disfrutar do verán, e xa pronto volveremos a vernos. ¡¡Felices vacacións!!