Xuntos/as polos dereitos adquiridos

Publicado no blog da ANPA, o martes 14 de julio de 2009

REUNIÓN DAS ANPAS DO MORRAZO EN CANGAS

Onte, luns 13 de xullo, reunímonos as ANPAs de tódolos centros públicos do Morrazo no salón de plenos do concello de Cangas, para falar das medidas que iamos tomar en canto ao tema da gratuidade dos libros de texto.

Comentouse tamén a noticia que viña onte no Faro de Vigo, coa que tod@s nos quedamos abraiad@s, sobre todo a representación da ANPA do cole da Guía en Meira, que non sabían nada do tema, tendo en conta ademais que ata fai poucos días non se coñecía o nome do xefe do departamento en cuestión, e hai xente que está esperando por unha reunión con él dende antes de que rematase o curso escolar, cando aínda non se sabía nada seguro do tema.

Pois ben, ao final, quedamos en que en Bueu e en Moaña, vanse reunir e probablemente empezaranse a mobilizar entre finais desta semana e principios da que vén.

En Cangas, empezarémos as mobilizacións xa, hoxe mesmo mandamos unha nota de prensa aos diferentes diarios, para ser publicada o vindeiro mércores, aquí tedes un adianto:

NOTA DE PRENSA

A maioría das A.N.P.A.S do Morrazo (Bueu, Cangas e Moaña), convocadas polas súas Federacións, reuníronse este luns 13 de xullo para trata-lo tema da gratuidade dos libros de texto, decidindo por unanimidade dos presentes tomar medidas en contra da “non gratuidade dos mesmos” aprobada pola xunta. Apoiando así, as estratexias doutras federacións da comunidade galega a favor da gratuidade e recomendando ás familias que non reserven nin merquen os libros.

----------------------------------------------------

O vindeiro venres día 17, estaremos no mercadillo de Cangas, recollendo firmas pola zona da parafarmacia, milenio... e ó serán nas praias...

Haberá tamén papeis para a recollida de sinaturas polos diferentes establecimentos das vilas.

Necesitamos toda a axuda posible, podedes colaborar de calquera das diferentes formas, asinando, levando unha folla de sinaturas para o teu comercio, no bolso ou no bolsillo, pode asinar quen queira, pais, nais, avós, avoas... dende o mais grande ata o mais pequeno, sempre que teña DNI.., e, moi importante, só se pode asinar unha vez!!

Tede-lo documento para imprimir xusto debaixo:

Open publication - Free publishing - More parents
Documento cedido pola plataforma galega pola gratuidade dos libros de texto

Lembrade que somos un colectivo moi amplo e xuntos podemos facer moito!!!!